الرئيسية / ثقافة / وحيدة الدريدي توجه هذه الرسالة الى منتقدي مسلسل أولاد مفيدة

وحيدة الدريدي توجه هذه الرسالة الى منتقدي مسلسل أولاد مفيدة

وجهت وحيدة الدريدي رسالة الى منتقدي مسلسل “أولاد مفيدة” معتبرة أن العنف منتشر في مجتمعنا وان الشبان معتادون على متابعة الأخبار المريعة والادمان على الالعاب على هواتفهم الجوالة. وأضافت ساخرة “سيناريو أولاد مفيدة جاء من المريخ .. لافساد المدينة الفاضلة”!

وهذا النص الذي نشرته الدريدي على صفحتها الخاصة على موقع الفايسبوك دفاعا عن وجهة نظرها في علاقة بمسلسل “أولاد مفيدة”:

“الي اطالبوا بمقاطعة اولاد مفيدة من الاولياء عندكم الحق:” بالفعل قداش منو الواحد. المخدرات أمام المدارس الابتدائية و الاعدادية تتوزع على الصغيرات و نزيدو نحطوها في المسلسل ياسر … رجال الامن يقتلوهم المهربين في الطرقات و يدهسوهم بكراهبهم و يلوذون بالفرار و لا أسف على الفقيد..

ذبحوا الرائد في مفترق باردو امام مجلس النواب و لا تبعيات و لا اعدام للفاعل… ذبح الجنود في الشمال الغربي و الحقوقيين يدافعون على حقوق الانسان و منع اعدام الفاعل … و تزيد عليهم أولاد مفيدة …الحق ياسر ..خاطر اولادهم ما قراوش المصايب هذي في تليفوناتهم الي ما تفارقهمش لحظة و ما شافوش تصاور ذبح الراعي البريء ..
عندكم الحق …كلام بذيء في الشارع و في القهاوي و في تعليقات الفايس بوك و يكتبوا فيها اولادكم ..و تزيدو تشوفوها في المسلسل ياسر الحق …
بيرة في يد الطفلة …. افساد الشبيبة ..خاطر شواطئ الضاحية الشمالية في الشتاء و الصيف و بقية البحورات مافيهاش بنات و اطفال يدفعوا الفلوس لمنحرفين راشدين باش يشريولهم و يشربوا دون السن القانونية …
عندكم الف حق … خاطر الشباب الي لابس تليفوناتوا حتى لوجوه الصباح في بيوتهم.

خاطر مش قاعدين يلعبوا jeu electronique …خطير جدا و عنيف جدا و مدمنون على هذه الالعاب ..و الاولياء و كانهم مغيبون …

افلام mbc …افلام youtube … مشاهد على الانترنات …جرائم تبث مباشرة على الانترنات … اغتصاب المعلمين للتلاميذ … اغتصاب ابناء العفو التشريعي العام للاطفال في الروضات … قتل الرضع و موت نساء الفلاحة ..كل هذا لا يعرفه الاطفال الملازمون لهواتفهم الجوالة؟ ..لا يشاهدونه البتة … عندكم الف حق …

قدم تاج الحاضرة السنة الفارطة عمل تاريخي متميز …فضل الشعب مشاهدة مسيرة شورب … سكيزوفرينيا …

معكم الف حق ..أطفالنا منقطعون عن التكنولوجيا الحديثة في تونس … و أولاد مفيدة السيناريو جاء من المريخ .. لافساد المدينة الفاضلة …
تونس ..حيث لا عنف ..و لا خرق للقانون ..و لا خمر ..و لا مخدرات ..و لا اغتصابات .. و لا سرقات ..و لا خيانات للبلد ..و لا هتك للاعراض ..حيث اطفالنا لا يسمعون حتى مجرد السمع بالمخدرات و القتل و لا يقع التحرش بهم في الشارع ..و لا براكاجات لاطفالنا و لا عنف داخل و امام المدارس … فعلا… لان شهر رمضان في شوارعنا انقطع فيه العنف و الكلام البذيء و الخطف و النفاق و الغش … لاننا الشعب الملاك.. اهلا و سهلا”.

المصدر : الجمهورية